Эркин кураш, -86 кг
Жавраил Нурмагомедович Шапиев 1997 йил 20 апрель куни Доғистонда туғилган. Эркин бўйича Ўзбекистон терма жамоаси аъзоси. Жавраил 2017 йилдан Ўзбекистон терма жамоаси шарафини ҳимоя қилиб келмоқда. Ж.Шапиев терма жамоа бош мураббийи Олим Ҳикматов қўл остида шуғулланади. Курашчимиз Ханчжоу-2022 Осиё ўйинларида бронза, куни кеча Қирғизистонда ўтган Осиё чемпионатида кумуш медални қўлга киритган. Токио-2020 ёзги Олимпия ўйинларида бешинчи натижани қайд этган.
2023 йил Сербияда ўтган жаҳон чемпионатидаги муваффақиятли иштироки орқали Париж-2024 ёзги Олимпия ўйинлари йўлланмасини қўлга киритган.
