Unda Sport vazirligi, Milliy Olimpiya qoʻmitasi, shuningdek, qator federatsiyalar hamda “China CAMC Engineering Co., Ltd.” rahbariyati ishtirok etdi. Uchrashuv davomida davlatimiz rahbarining tashabbusi bilan bunyod etilgan va mamlakatimiz sporti tarixidagi eng yirik majmualardan biri hisoblanadigan “Olimpiya shaharchasi”dagi zamonaviy sport obyektlari, sportchilar uchun yaratilgan shart-sharoitlar hamda majmua infratuzilmasidan samarali foydalanish masalalari muhokama qilindi.

Shuningdek, shaharcha hududida tashkil etilishi rejalashtirilayotgan muzey loyihalari yuzasidan fikr almashildi. Muzey ekspozitsiyalarini shakllantirish, unda Olimpiya harakati tarixini aks ettiruvchi materiallarni joylashtirish va tashrif buyuruvchilar uchun zamonaviy koʻrgazma maydonlarini yaratish masalalari koʻrib chiqildi.

Tadbir yakunida “Olimpiya shaharchasi” loyihasining muvaffaqiyatli amalga oshirilishiga qoʻshgan hissasi uchun “China CAMC Engineering Co., Ltd.” kompaniyasiga maxsus sertifikat topshirildi.