Osiyo Olimpiya Kengashi (OOK)
Geografik mansubligi va faoliyatining maqsadli yo‘nalishi bo‘yicha Osiyo Olimpiya Kengashi (OOK) xalqaro Olimpiya qo‘mitasi (XOQ) tomonidan tan olingan milliy Olimpiya qo‘mitalari Assotsiatsiyasining (MOQA) beshta qitʼa tuzilmalaridan.
Osiyo Olimpiya Kengashi tarkibiga 45 ta Olimpiya qo‘mitalari kiradi. Shtab-kvartirasi Quvayt shahrida (Quvayt) joylashgan.
OOK tarkibiga Bosh Assambleya, Ijroiya qo‘mita va Prezident kiradi.
Bosh Assambleya Olimpiya Kengashi faoliyatining barcha jihatlarini belgilovchi asosiy organ hisoblanadi. U OOK Konstitutsiyasini tashkil yetuvchi asosiy tamoyillar, maqsadlar, qoidalar va normalarga rioya qilishning kafolati bo‘lib xizmat qiladi. Bosh Assambleya yiliga bir marta yig‘iladi.
Bosh Assambleya Ijroiya qo‘mita aʼzolari, faxriy aʼzolar, vitse-Prezidentlar, xalqaro Olimpiya qo‘mitasi (XOQ) aʼzolari va Osiyo o‘yinlari tashkiliy qo‘mitalari raislaridan iborat.
Ijroiya qo‘mita OOK strategiyasi ustidan samarali nazoratni taʼminlaydi. Uning barcha qarorlari Bosh Assambleya tomonidan tasdiqlanishi kerak. Osiyo qitʼasining 5 xil geografik zonalarini (Sharqiy, Janubi-Sharqiy, Janubiy, Markaziy va G‘arbiy Osiyo)ifodalovchi beshta vitse-prezidentdan iborat,
Osiyo yozgi o‘yinlari, Osiyo qishki o‘yinlari, Osiyo yoshlar o‘yinlari, yopiq inshootlardagi Osiyo o‘yinlari va boshqalarni o‘tkazadigan davlatlar orasidan 6 vitse-Prezidentlar.
Osiyo Olimpiya Kengashi sport, madaniyat rivojiga ko‘mak bermoqda
Osiyoda yoshlarni tarbiyalash, sportda fair play tomonidan qo‘llab-quvvatlanadigan axloqiy va jismoniy fazilatlarni qo‘llab-quvvatlaydi, xalqaro miqyosda hurmat, do‘stlik va xayrixohlikka chaqiradi.
Bundan tashqari, OOK Osiyo qitʼasi davlatlarining sport sohasidagi faoliyatini muvofiqlashtiradi, sportni targ‘ib qiladi va sport inshootlarini qurishda ko‘maklashadi. Kengash o‘z faoliyatida Olimpiya harakati tamoyillariga hurmat asosida sportni targ‘ib qilishda davlat organlari va xususiy tashkilotlar bilan ham yaqindan hamkorlik qiladi.
