Ёш хоккейчиларимизнинг Осиё-Океания чемпионатидаги муваффақияти юртимизда нафақат жамоавий, балки қишки спорт турлари ҳам ривож топиб бораётганини яна бир карра кўрсатди. Титулни ҳимоя қилиш учун майдонга тушган йигитларимиз иродали ғалаба билан кубокни ўзимизда олиб қолишди. Тақдирлаш маросимида Халқаро муз устида хоккей федерацияси, Ўзбекистон Республикаси Спорт вазирлиги ва Миллий Олимпия қўмитаси раҳбарияти иштирок этиб, ҳамюртларимизни қўлга киритган муваффақиятлари билан қутлашди.

Шоҳруҳ Давлатов ва Екатерина Тунгускова “BYD Song Pro” соҳибига айланишди. 45 мамлакатдан ташриф буюрган ҳаваскор ва профессионал спортчиларни ўзида жамлаган BYD Тошкент VI халқаро марафони ўз ғолибларини аниқлади. 6000 нафарга яқин иштирокчини жамлаган оммавий спорт тадбири кўтаринки руҳда ўтди.

Бугун Музаффарбек Тўрабоевнинг фаолиятида муҳим кунлардан бири бўлди. Истеъдодли спортчимиз илк бор “Катта дубулға” таснифидаги мусобақада олтин медалга сазовор бўлиб, ўзи учун яна бир чўққини забт этди. Шубҳасиз, ёзда Францияда уни келгуси марра ҳам кутиб турибди. 2 та мусобақадан бери мағлубият нималигини билмай келаётган Матвей Каниковскийни финалда 13 сонияда таслим қилган Тўрабоевга медаль ва эсдалик совринларни Ўзбекистон МОҚ раисининг биринчи ўринбосари Равшан Ирматов ҳамда МОҚ раиси ўринбосари, мамлакат дзюдо федерацияси раҳбари Азизжон Камилов топширишди.