3 Май 2026
249
Бокс бўйича U15 ва U17 Осиё чемпионатининг очилиш маросими ўтказилди
Тошкентда бокс бўйича U15 ва U17 ёш тоифаларидаги Осиё чемпионати бошлангани ҳақида маълум қилган эдик. “Олимпия шаҳарчаси”да мусобақанинг тантанали очилиш маросими бўлиб ўтди.
Унда Asian Boxing ташкилоти, Спорт вазирлиги, Миллий Олимпия қўмитаси ҳамда Ўзбекистон бокс федерацияси раҳбарияти иштирок этди. Сўзга чиққан мутасаддилар мусобақанинг аҳамиятига тўхталиб, барча спортчиларга омад ва муваффақият тилашди.
Эслатиб ўтамиз, мазкур нуфузли мусобақада қитъамизнинг 21 мамлакатидан ташриф буюрган 500 нафардан ортиқ ёш чарм қўлқоп усталари ғолиблик учун рингга кўтарилади.
