Тошкентда самбо бўйича жаҳон чемпионати давом этмоқда. Ортда қолган кун бир қатор вазн тоифасида медаллар жамланмаси ўз эгаларига топширилди. Унда ўзбекистонлик спортчилар 2 та кумуш ва 2 та бронза медалларига сазовор бўлишди.

🥈 Кумуш медаль:
-58 кг: Шаҳзода Азатова (жанговар самбо)
-59 кг: Лутфилла Сайдаматов (жанговар самбо)

🥉 Бронза медаль:
-88 кг: Санжар Аблакулов
-80 кг: Мухлиса Турдиева

Спортчиларни тақдирлаш маросимида Ўзбекистон МОҚ раҳбарияти ҳам қатнашди.

Самбочиларимизнинг айни пайтгача мусобақада жамғарган умумий медаллари эса 2 та олтин, 4 та кумуш ва 4 та бронзага етди.