Тошкентда халқаро ярим марафон бўлиб ўтди
Бугун пойтахтимизда “Tashkent International Half Marathon” мусобақаси ўтказилди. 5 км ва 21,097 километр (ярим марафон) масофаларда ташкил этилган баҳслар 24 мингдан ортиқ иштирокчини ўзида жамлади.
Тадбирнинг очилиш маросимида қатнашган расмийлар мамлакатимизда оммавий спорт йилдан йилга ривожланиб бораётгани, бу каби мусобақалар аҳолини соғлом турмуш тарзига янада кенг тарғиб қилишда муҳим ўрин тутишини таъкидлашди.
Беллашувлар якунида ўз йўналишларида ғолиб ва совриндор бўлган спортчилар билан танишинг:
5 км, эркаклар:
1. Элдор Ботиров
2. Руслан Хаджиев
3. Беҳруз Шавкатов
Аёллар:
1. Алина Ҳакимова
2. Мафтуна Аҳмедова
3. Камола Аблаева
Ярим марафон, эркаклар:
1. Андрей Петров
2. Ҳасан Мирсоатов
3. Бахтиёр Ўткиров
Аёллар:
1. Маржона Аҳмадалиева
2. Садафбону Нусратуллоева
3. Арофатхон Имомалиева
