18 Июн 2026
220
Жанни Инфантино терма жамоамизни жаҳон чемпионатидаги дебют билан табриклади
Футбол бўйича миллий терма жамоамизни қўллаб-қувватлаш учун Мексикага ташриф буюрган Ўзбекистон расмийлари «Ацтека» стадионида ФИФА Президенти Жанни Инфантино билан учрашишди. Самимий суҳбатда жаноб Инфантино терма жамоамизни тарихий дебют билан қутлади ва келгуси ўйинларда омад тилади.
Ўз навбатида, Спорт вазирлиги, Миллий Олимпия ва Паралимпия қўмиталари, Ўзбекистон футбол ассоциацияси раҳбарияти ФИФА раисига миннатдорчилик билдириб, Колумбияга қарши баҳс миллий футболимиз ривожи учун муҳим аҳамият касб этишини билдиришди.
Шунингдек, расмийлар Колумбия футбол федерацияси президенти, ФИФА кенгаши аъзоси Рамон Хесурунни қўлга киритилган ғалаба билан табриклашди ва эсдалик совғасини тақдим этишди.
