⚽️ Сенегал – икки карра Африка Миллатлар кубоги чемпиони

Марокашда футбол бўйича Африка Миллатлар кубоги ўз якунига етди. Бош соврин учун мезбон Марокаш ва Сенегал жамоалари тўқнаш келишди. Қўшимча вақтларгача давом этган баҳсда меҳмонлар 1:0 ҳисобида устун келиб, ўз тарихида иккинчи бор мусобақа ғолибига айланишди. Учинчи ўрин учун баҳсда Нигерия пенальтилар cериясида Мисрдан устун келди.

🎾 Камилла Раҳимова Австралия очиқ чемпионатини тарк этди

Теннис бўйича Ўзбекистон терма жамоаси аъзоси Камилла Раҳимова Мельбурнда ўтаётган “Australian Open” мусобақасидаги иштирокини якунлади. Биринчи даврадаёқ жаҳоннинг учинчи ракетаси, америкалик Коко Гофф билан рўбарў келган Раҳимова 2 сетда (2:6, 3:6) имкониятни бой берди.