Баҳрайн-2025 III Осиё ёшлар ўйинлари стартига саноқли кунлар қолди. Ўзбекистон делегациясининг дастлабки ишчи гуруҳи Манама шаҳрига етиб борди ва фаолиятини бошлади.

Мусобақада биринчилардан бўлиб стартга чиқадиган от спорти бўйича ёшлар терма жамоамиз аъзолари белгиланган манзилга етиб келишди. Бугун делегациянинг яна бир қисми етиб бориши кутилмоқда. Ўзбекистон делегацияси учун ажратилган бинода спортчиларимиз учун барча шароитлар яратилган.