Бугун Ёшлар ижод саройида ижодкор ва спортчи ёшлар билан учрашув ўтказилди. Ёшлар ишлари агентлиги директори Алишер Саъдуллаев бошчилигида ўтган тадбирда тегишли ташкилотларнинг мутасадди раҳбарлари ҳам иштирок этишди.

Учрашувда қатнашган МОҚ раиси ўринбосари Шерзод Ташматов спорт соҳасида юртимиз ёшлари учун яратилаётган шароитлар хусусида тўхталиб ўтди. Хусусан, Президентимиз ташаббуси билан бу йилдан ўтказила бошланган “Янги Ўзбекистон Олимпия чўққилари” оммавий мусобақаси ўсиб келаётган авлоднинг ўз имкониятларини кўрсатиш учун спорт йўналишидаги ажойиб лойиҳа бўлганини таъкидлади.

Тадбир давомида бевосита иштирок этган ва юртимизнинг турли чеккаларидан онлайн кузатиб борган ёшлар билан турли мавзуларда савол-жавоблар ташкил этилди.