22 Июнь 2025
624
U23 ёш тоифасидаги курашчиларимиз Осиё чемпионатида 16 та медаль қўлга киритишди
Вьетнамда спорт курашлари бўйича U23 ёш тоифасидаги Осиё чемпионати ўз якунига етди. Эркин кураш усталари ўртасида кечган сўнгги кун баҳсларида атлетларимиз 2 та кумуш ва 1 та бронза медалларига сазовор бўлишди.
Кумуш медаль:
-65 кг: Умиджон Жалолов
-74 кг: Зафарбек Отахонов
Бронза медаль:
-92 кг: Садриддин Даминжонов
Шу тариқа, мазкур ёш тоифасидаги спортчиларимиз қитъа биринчилигини 2 та олтин, 5 та кумуш ва 9 та бронза, жами 16 та медаль билан якунлашди.
Эртадан U17 ёш тоифасидаги полвонларимиз баҳсларга киришишади.
