22 Январь 2025
466
Оғир атлетикачиларимиз Чирчиқда йиғин ўтказишмоқда
Шу кунларда оғир атлетика бўйича Ўзбекистон терма жамоаси Чирчиқ шаҳрида ўқув-машғулот йиғинини олиб бормоқда. 10 январь куни бошланган йиғинга Руслан Нурудинов, Акбар Жўраев каби Олимпиада чемпионларидан ташқари яна 20 нафар ёш спортчи жалб қилинган.
Машғулотларда умумий жисмоний тайёргарликни кучайтиришга кўпроқ аҳамият қаратилмоқда. Ушбу йиғин март ойида бўладиган Ўзбекистон чемпионати ҳамда майда ташкил қилинадиган Осиё чемпионатига тайёргарликнинг дастлабки босқичи вазифасини ўтаб беради ва 3 февралга қадар давом этади.