26 Апрель 2024
121
Париж сари яна бир қадам қолди
Футбол бўйича U23 Осиё кубоги, 1/4 финал
Ўзбекистон 2 – 0 Саудия Арабистони
Ҳ.Норчаев 45+2ʼ, У.Раҳмоналиев 84ʼ
Футбол бўйича Ўзбекистон олимпия терма жамоаси Париж-2024 сари яна бир катта қадам ташлади. Тимур Кападзе шогирдлари Қатар мезбонлигида кечаётган U23 Осиё кубогининг чорак финалида Саудия Арабистони жамоасини 2:0 ҳисобида мағлуб этиб, ярим финал йўлланмасига эга бўлди. Баракалла, йигитлар!
Ҳамюртларимиз кейинги босқични 29 апрель куни Индонезияга қарши ўтказишади. Қайд этиш жоиз, ушбу баҳсдаги ғалаба жамоамизфа финал билан бирга Париж-2024 ёзги Олимпия ўйинлари йўлланмасини ҳам тақдим қилади.
