25 Апрель 2024
167
Велоспортчиларимиз “Tour of the Gila Women” пойгасида қатнашишмоқда
Велоспорт бўйича Ўзбекистон аёллар терма жамоасининг асосини ташкил этувчи “Tashkent City Women Professional Cycling Team” клуби АҚШда старт олган “Tour of the Gila Women” халқаро мусобақасидаги иштирокини бошлади. Унда Ольга Забелинская, Янина Кускова, Мадина Қаҳҳорова, Маргарита Мисюрина ҳамда Нафосат Козиева юртимиз шарафини ҳимоя қилишмоқда.
Кўп кунлик пойганинг биринчи босқичида спортчилар Сильвер Сити ҳамда Моголлон шаҳарлари оралиғидаги 114.4 км масофани босиб ўтишди. Қизиқарли кечган баҳсларда Забелинская 9, Кускова 11-бўлиб марра чизиғини кесиб ўтишди. Қолган ҳамюртларимиз эса етакчиларга катта фарқ билан имкониятни бой берган. Бугун иштирокчилар Форт Боярд мавзеси атрофидаги 119.3 кмни босиб ўтадилар.
