22 Март 2024
196
Игорь Мялин Жаҳон кубогининг финалига йўл олди
Германиянинг Берлин шаҳрида сувга сакраш бўйича Жаҳон кубогининг иккинчи босқич беллашувлари бўлиб ўтмоқда. Эътиборлиси, унда Ўзбекистон терма жамоаси аъзоси, Париж-2024 лицензиати Игор Мялин ҳам иштирок этяпти.
Ҳамюртимиз 10 метрли платформадан сакраш йўналишининг саралаш босқичида 403.50 балл жамғариб, финал йўлланмасини қўлга киритди. Энди у эртага медаллар учун кураш олиб боради.
Шунингдек, ушбу турнирда терма жамоамизнинг яна бир аъзоси Вячеслав Качанов ҳам қатнашяпти. Бугун у 3 метрли трамплиндан сакраш бўйича саралашда ўз омадини синаб кўради.
