26 Июль 2023
408
Спортчиларимиз Универсиада ўйинларига йўл олишди
28 июль – 8 август кунлари Хитойнинг Ченду шаҳрида XXXI ёзги Универсиада ўйинлари бўлиб ўтади. Бугун унда иштирок этадиган Ўзбекистон делегациясининг асосий қисми Хитойга йўл олди.
Бу йилги Универсиадада делегациямиз таэквондо WТ, дзюдо, ушу, гимнастика, теннис, қиличбозлик ва енгил атлетика спорт турларида 77 нафар атлет билан қатнашади. Бугун ушу, дзюдо, теннис ва таэквондо WТ бўйича терма жамоаларимиз Чин ўлкасига жўнаб кетган бўлса, қолган спорт турларидаги вакилларимиз режа асосида кейинчалик Ченду шаҳрига етиб боришади.
Ўзбекистон Миллий Олимпия қўмитаси бўлажак Ўйинларда талаба спортчиларимизга омад тилайди!
