24 Июль 2023
610
Ёш волейболчиларимиз Осиё чемпионатида иштирок этишмоқда
Тошкентда волейбол бўйича U-16 ёш тоифасидаги Осиё чемпионати бўлиб ўтмоқда. Йигитлар ўртасида ташкил этилаётган мусобақада бугун гуруҳ босқичи якунланиб, плей-офф босқичи иштирокчилари аниқланади.
Ҳамюртларимиз илк учрашувни Гонконг жамоасига қарши ўтказиб, 3:0 ҳисобида ғалаба қозонишди. Қайд этиш жоиз, жамоамиз иштирок этаётган «А» гуруҳидан 3 та жамоа ўрин олган. Бугун волейболчиларимиз гуруҳ пешқадамлиги учун сўнгги турда қозоғистонлик тенгқурларига қарши баҳс олиб боришади. Ўйинлар “Юнусобод спорт мажмуаси” ҳамда «Универсал» ареналарида ўтказилмоқда.
