Улар Токиода юрт шарафини ҳимоя қилишади
Ўзбекистон Миллий Олимпия қўмитаси яқинлашиб келаётган Токио-2020 Олимпия ва Паралимпия ўйинларида юртимиз шаънини ҳимоя қиладиган атлетларимизни Сизларга яқиндан таништириш ниятида янги лойиҳа бошлади. Эндиликда ҳар куни Олимпиадада иштирок этадиган лицензиатларимиз ҳақида қизиқарли маълумотларни эътиборингизга ҳавола қилиб борамиз. Бу борада биринчи қаҳрамон сифатида ўзбекистонлик спортчилар орасида Токио-2020 Олимпиадасига илк йўлланмани қўлга киритган теннисчимиз Денис Истоминни танлаб олишни ўринли деб билдик.
Денис Олегович Истомин 1986 йил 7 сентябрь куни Россия Федерациясининг Оренбург шаҳрида таваллуд топган. Халқаро тоифадаги спорт устаси.
Мураббийи: Кладвия Истомина (онаси).
Шу пайтгача ишлаб топган пули: 6 миллион АҚШ доларидан ортиқ.
Жаҳон тасниф жадвалидаги энг юқори ўрни: 33 (2012 йил, 13 август ҳолатига кўра).
Катта дубулға турнирларидани энг яхши натижаси: 4-давра (яккалик), ярим финал (2013, жуфтликда Австралия очиқ чемпионати).
АТР таснифидаги мусобақаларда қўлга киритган титуллари: 2015 (Ноттингем) ва 2017 (Ченду).
Аввалги Олимпиадалардаги иштироки: Лондон-2012 (3-давра), Рио-2016 (1-давра).
2011 йил «Ўзбекистонда хизмат кўрсатган спортчи» фахрий унвони билан тақдирланган.
2018 йил Осиё ўйинларида ғалаба қозониб, Токио Олимпиадасига йўлланма олган.
