22 Август 2022
922
Боксчи қизларимиз Туркияда йиғин ўтказишмоқда
Бокс бўйича Ўзбекистон аёллар терма жамоаси Туркиянинг Кастамону шаҳрида ўқув-машғулот йиғинини бошлади. 12 кунга мўлжалланган йиғин октябрь ойида ўтадиган Осиё чемпионатига тайёргарлик вазифасини ўтаб беради.
Терма жамоамиз бош мураббийи Элшод Расуловнинг айтишича, машғулотлар Туркия терма жамоаси қизлари билан ҳамкорликда олиб борилмоқда. Ўтган жаҳон чемпионатини биринчи ўринда якунлаган терма жамоа билан ташкил этилаётган қўшма йиғин орқали қизларимиз ўз маҳоратларини янада оширишмоқда.
