25 Март 2022
1160
Велоспортчиларимиз Осиё чемпионатини олтин медаль билан бошлашди!
Тожикистонда старт олган велошоссе бўйича Осиё чемпионатининг биринчи куни терма жамоамиз учун муваффақиятли бошланди. Илк куннинг ўзида жамоамиз олтин медални қўлга киритди.
Аёллар ўртасида (women elite) 24 км масофага кечган жамоавий пойга баҳсида қизларимиз энг яхши натижа қайд этишди. Янина Кускова, Маргарита Мисюрина, Шаҳноза Абдуллаева ҳамда Анна Куликовадан иборат жамоамиз масофани 32:14.911 дақиқа ичида босиб ўтишди. Иккинчи ўрин Қозоғистон термасига насиб этган бўлса, эронлик велоспортчилар кучли учликни якунлаб беришди.
Таъкидлаш жоиз, жамоамиз мазкур йўналишда биринчи бор қитъа чемпионатининг олтин медалига сазовор бўлмоқда. Мусобақада иштирок этадиган бошқа спортчиларимизга ҳам омад тилаймиз.
