15 Февраль 2022
3186
Янги шаклланган жамоавий дастурдаги бадиий гимнастикачиларимиз тиббий кўрикдан ўтишди
Токио-2020 Олимпия ўйинлари якунлангач бадиий гимнастика бўйича гуруҳ машқларида иштирок этадиган таркибимиз қайтадан шаклланди. Бугун янги тузилган гуруҳ вакиллари тиббий кўрикдан ўтишди.
МОҚ қошида ташкил этилган Республика спорт тиббиёти илмий-амалий марказининг шифокорлари гимнастикачиларимизнинг саломатлигини кўздан кечиришди. Дастлаб тор доирадаги мутахассислар кўригидан сўнг уларнинг юрак-қон томир соҳасидаги ўзгаришлари кўздан кечирилди. Спортчиларнинг шикоятлари тингланиб, уларга керакли тавсиялар берилди.
