Yelkanli sport boʻyicha Oʻzbekiston terma jamoasi aʼzolari shu kunlarda Qirgʻiz Respublikasida tashkil etilayotgan Markaziy Osiyo chempionatida ishtirok etishi haqida maʼlum qilgan edik.

Ayni paytga kelib, turnirda Optimist, ILCA va FAREAST-23 yoʻnalishlari boʻyicha saralash bahslari oʻtkazilmoqda. Quvonarlisi, unda oʻzbekistonlik sportchilar ham yuqori natijalar koʻrsatishyapti. Qayd etish joiz, ILCA Olimpiya oʻyinlari dasturiga kirgan yoʻnalish hisoblanadi.

Dasturga koʻra, 20-21-may kunlari musobaqaning hal qiluvchi bosqichi doirasidan oʻrin olgan bellashuvlar boʻlib oʻtadi.