Sport kurashlari boʻyicha U20 yosh toifasidagi jahon chempionatida navbatdagi kun bahslari ortda qoldi. Slovakiyada tashkil etilayotgan chempionatning ortda qolgan kunida sportchilarimiz 1 ta kumush va 2 ta bronza medallariga sazovor boʻlishdi.

🥈 Kumush medal:
-60 kg: Dostonbek Oripov

🥉 Bronza medal:
-50 kg: Nilufar Nurmuhammadova
-53 kg: Sohibjamol Esboʻsinova

Yunon-rum kurashi bahslarining yakuniga koʻra, hamyurtlarimiz 95 ochko bilan umumjamoa hisobida Rossiya va Erondan keyin uchinchi oʻrinni qoʻlga kiritishdi.

Bugun kechki dasturda qizlarimizdan Muhayyo Narzilloyeva -65 kg vazn toifasida final bahsini oʻtkazsa, Feruza Kayratdinova (-62 kg) bronza medali uchun kurash olib boradi. Shuningdek, kun davomida erkin va ayollar kurashi bahslarida yana 3 nafar sportchimiz saralash bosqichida qatnashishadi.

Final:
-65 kg: Muhayyo Narzilloyeva – Margarita Salnazaryan (Rossiya)

Bronza medali uchun:
-62 kg: Feruza Kayratdinova / Ozdenur Ozmez (Turkiya) – Yifan Chju (Xitoy)