Xorvatiyaning Makarska shahrida tennis boʻyicha WTA125 tasnifiga kiruvchi musobaqa oʻtkazildi. Unda ishtirok etgan Oʻzbekiston terma jamoasi aʼzosi Mariya Timofeyeva bosh sovrinni qoʻlga kiritdi.

Yurtdoshimiz final bahsida latviyalik Darya Semenistayani 6:2, 6:3 hisoblarida magʻlubiyatga uchratishga erishdi. Ushbu gʻalabadan keyin ochkolarini 125 taga koʻpaytirib olgan tennischimiz jahon tasnif jadvalida 27 pogʻona yuqorilab, 91-oʻringa koʻtarilib oldi.