Xalqaro ogʻir atletika federatsiyasi (IWF) Ijroiya qoʻmitasining navbatdagi yigʻilishi boʻlib oʻtdi. Unda Los-Anjeles-2028 yozgi Olimpiya oʻyinlariga yoʻllanma beruvchi litsenzion musobaqalarga mezbon davlatlar aniqlab olindi.

Quvonarlisi, poytaxtimiz Toshkent shahri 2027-yil oʻtkaziladigan jahon litsenzion turnirini oʻtkazish huquqini qoʻlga kiritdi. Bu boʻlajak Olimpiadaga yoʻllanma beruvchi 5 musobaqadan biri boʻlib, unda dunyoning eng kuchli atletlari jam boʻladi. Bellashuvlar “Olimpiya shaharchasi”da tashkil etilishi kutilmoqda.