Bugun oʻzbek futboli uchun katta ahamiyatga ega kun. Oʻz tarixida ilk bor jahon chempionati yoʻllanmasini qoʻlga kiritgan Oʻzbekiston terma jamoasi JCh-2026 da guruh bosqichidagi raqiblarini bilib oladi.

Mazkur ahamiyatli tadbirda ishtirok etish uchun Oʻzbekiston Respublikasi Sport vazirligi, MOQ va OʻFA rahbariyati AQShga yetib bordi. Eslatib oʻtamiz, Vashington shahrida oʻtkaziladigan tadbir Toshkent vaqti bilan 22:00 da start oladi.