Bugundan Prezident Olimpiadasining sport dasturlari rasman boshlandi. Sport vaziri Adham Ikramov hamda MOQ Bosh kotibi Oybek Kasimov badiiy gimnastika, sport kurashlari va boks musobaqalari oʻtkazilayotgan arenalarga tashrif buyurib, bellashuvlar jarayonini koʻzdan kechirdilar.

Tashrif chog‘ida rasmiylar hakamlar va tashkiliy qo‘mita vakillari bilan uchrashib, musobaqa jarayonida kuzatilgan ayrim muammo va kamchiliklarni bartaraf etish bo‘yicha tegishli topshiriq va ko‘rsatmalar berdilar.

Shuningdek, ogʻir atletika bahslari va koʻrgazmali dasturdan oʻrin olgan suv sporti turlari boʻyicha bellashuvlar ham bugungi rejadan oʻrin olgan.