Xitoyning Usi shahrida oʻtayotgan taekvondo WT boʻyicha jahon chempionatida Oʻzbekiston terma jamoasi ikkinchi medaliga sazovor boʻldi. Finalgacha Xitoy Taipeyi, Janubiy Koreya va Xitoy vakillarini magʻlub etgan Svetlana Osipova (+73 kg) hal qiluvchi bahsda turkiyalik Nafisa Kushga imkoniyatni boy berdi va kumush medal bilan taqdirlandi.

Bu Osipovaning jahon chempionatlaridagi uchinchi medali boʻldi. Bungacha uning hisobida dunyo birinchiliklarining 1 tadan oltin va kumush medallari bor edi.