Bugun poytaxtimizdagi “Milliy bogʻ” sayilgohida “Sogʻlom oila uchun birlashaylik” shiori ostida xotin-qizlar uchun ertalabki badantarbiya mashgʻulotlari hamda 5000 qadam yurish tadbiri tashkil etildi.

Yurtimiz ayollarini sogʻlom turmush tarzi va ommaviy sportga jalb etish maqsadida tashkil etilgan tadbirda rasmiylar barchani yanada faol boʻlishga undashdi.

Unda Oksana Chusovitina, Svetlana Osipova va oʻzbek sportining boshqa yulduzlari ham ishtirok etishgani qatnashchilarga motivatsiya berdi.