Osiyo chempionatini muvaffaqiyatli yakunlagan taekvondo WT boʻyicha Oʻzbekiston terma jamoasi navbatdagi yigʻinga kirishdi. Terma jamoa bazasida oʻtayotgan mazkur yig’in 31-mayga qadar davom etadi.

Mashgʻulotlarda terma jamoa yetakchilari bilan birga zaxira tarkib va yoshlar ham ishtirok etmoqda. Yigʻin asosiy jamoa uchun yaqinlashib kelayotgan Parij-2024 yozgi Olimpiya oʻyinlari, qolaversa, 1-3-iyun kunlari Janubiy Koreyada oʻtadigan harbiylar oʻrtasidagi jahon chempionatiga tayyorgarlikning muhim bosqichi vazifasini bajarib beradi. Yoshlarimiz esa oldinda turgan xalqaro musobaqalarga hozirlik koʻrishmoqda.