Nukusda dzyudo boʻyicha mamlakat kubogi yakuniga yetdi
Bugun Qoraqalpogʻiston Respublikasining Nukus shahrida dzyudo boʻyicha kattalar oʻrtasidagi mamlakat kubogi yakuniga yetdi. 4 kun davom etgan bellashuvlarda Respublikamizning barcha hududlaridan tashrif buyurgan 300 nafarga yaqin sportchi gʻoliblik uchun bahs olib bordi.
Bellashuvlarning yakkalik dasturida Toshkent shahri umumjamoa hisobida birinchi oʻrinni qoʻlga kiritdi. Poytaxtlik dzyudochilar 4 ta oltin va 5 ta bronza medallariga sazovor boʻlishdi. 3 tadan oltin, kumush va bronza medallariga egalik qilgan qashqadaryolik polvonlar ikkinchi, 2 ta oltin, 6 ta kumush va 4 ta bronza medallarini jamgʻargan Xorazm viloyati uchinchi oʻrinni egalladi.
Aralash jamoaviy dasturda Qashqadaryo viloyati oltin, Toshkent shahri kumush, Xorazm va Qoraqalpogʻiston jamoalari bronza medallarini qoʻlga kiritdi.
