Taekvondo boʻyicha jahon chempionatining birinchi kun sarhisobi
Meksikada taekvondo boʻyicha jahon chempionatining birinchi kuni ortda qoldi. Unda ikki vazn toifasida bahslar oʻtkazilib, erkaklar oʻrtasidagi -80 kg vazn toifasida janubiy koreyalik Vu-Xyok Park, ayollar oʻrtasidagi -57 kg vazn toifasida esa xitoylik Zongshi Luo oltin medallarni qoʻlga kiritishdi. Unda qatnashgan hamyurtlarimiz Madina Mirabzalova ikkinchi, Shuhrat Salayev esa uchinchi davrada imkoniyatni boy berdi. Birinchi kun gʻolib va sovrindorlari:
-80 kg:
1. Vu-Xyok Park (Koreya Respublikasi)
2. Andoni Sintado (Ispaniya)
3. Mehran Barxordari (Eron)
3. Seyf Eyssa (Misr)
-57 kg:
1. Zongshi Luo (Xitoy)
2. Chia-Ling Lo (Xitoy Taipeyi)
3. Jeyd Jones (Buyuk Britaniya)
3. Xadicha Kubro (Turkiya)
Bugun uch vazn toifasida bahslar oʻtkazilib, unda jahon chempionatlarining ikki karra finalchisi (2015, 2017) Nikita Rafalovich, Konya-2021 Islom birdamligi oʻyinlari chempioni Feruza Sodiqova hamda yana bir yosh isteʼdodli sportchimiz Ozoda Sobirjonova ishtirok etishadi. Ular musobaqani quyidagi raqiblariga qarshi boshlashadi:
-87 kg: Nikita Rafalovich – Adrian Voytkovyak (Polsha)
-62 kg: Feruza Sodiqova – Anastasia Galazoula (Avstraliya) / Madinatu Sako (Niger)
-67 kg: Ozoda Sobirjonova – Boubachar Hassana (Niger)
