Morgan Stanleyning investisiya bo'yicha direktori: "aktsiyalarni sotib olish uchun yaxshi fursat»
Agar dunyo hali ham koronavirus bilan uzoq va og'ir kurash olib borsa, u holda fond birjalarida "eng yomon narsa ortimizda turibdi, chunki u eng yuqori nuqtaga etadi", deydi AQShdagi Morgan Stanley bankining investisiya bo'yicha direktori va bosh strategi Mayk Uilson. U hozirda aktsiyalarni sotib olish uchun eng yaxshi vaqt ekaniga ishonchi komil.
Bloomberg (professional moliyaviy ma'lumotlar – obligasiyalar, aktsiyalar, valyutalar, mablag'lar va boshqalarni taqdim etadigan etakchi kompaniyalardan biri) Mayk Uilson so'zlaridan iqtibos keltiradi: "o'tgan oyda aktivlarning majburiy sotilishi ortda qolgani, shuningdek, 2011 yilda ko'rganimizdek, misli ko'rilmagan pul va moliya aralashuvi, eng jozibador kotirovkalarni hisobga olsak, o'tgan oyda emas, ikki yil oldin boshlangan tsiklning pasaygan ("ayiq") bozori ortimizda eng yomon narsa turibdi, degan fikrdamiz. «
Mayk Uilsonning so'zlariga ko'ra, qoida tariqasida, bozorlarning qulashi resessiya bilan boshlanmaydi, balki u bilan tugaydi. So'nggi yillar bilan taqqoslaganda, hozirgi vaqtda xatar va qimmatli qog'ozlar rentabelligi o'rtasidagi nisbat pandemiyadan oldingi holatga qaraganda ancha jozibali. Uilson, shuningdek, fond bozorlarining hozirgi darajasi 6 oydan 12 oygacha bo'lgan vaqt mobaynida sarmoyadorlar uchun eng yaxshi tomonlarini ko'rsatadi, deb hisoblaydi.
Bloomberg hukumatlar va Markaziy banklarning iqtisodiyotni qo'llab-quvvatlashga qaratilgan qat'iy chora-tadbirlari va Evropada eng yuqori darajadagi koronavirus pandemiyasi alomatlari vaqtida fond bozorlaridagi kamdan kam uchraydigan optimistik prognozlar namoyon bo'lishini aytdi.
"Siz tunnelning oxirida yorug'likni ko'rishingiz mumkin, ammo u juda ham uzun tunneldir", deya agentlik UniCredit bankining iqtisodchisi Erik Nilsen so'zlaridan iqtibos keltiradi.
Manba: forbes.ru
