Saytning eski versiyasi

Bugun Rossiya Federatsiyasining Vladivostok shahrida o’tkazilgan “Osiyo bolalari” VII xalqaro sport o’yinlarida ishtirok etgan O’zbekiston delegatsiyasi yurtimizga qaytib keldi. Vatanimiz sharafini munosib himoya qilgan yoshlarimiz Islom Karimov nomidagi Toshkent xalqaro aeroportida katta sport jamoatchiligi tomonidan tantanali kutib olindi. Eslatib o’tamiz, 3000 nafardan ortiq sportchi qatnashgan musobaqada delegatsiyamiz 41 ta oltin, 28 ta kumush va 45 ta bronza, jami 114 ta medal bilan umumjamoa hisobida 2-o’rinni egallagan edi.