Fazliddin Gʻoibnazarovni tabriklaymiz!
Bugun taniqli oʻzbek bokschisi, Olimpiya oʻyinlari gʻolibi Fazliddin Gʻoibnazarov oʻz tavallud ayyomini nishonlamoqda.
Fazliddin Gʻoibnazarov 1991-yil 16-iyun kuni Toshkent viloyatida tugʻilgan. 2015-yil boks boʻyicha Tailandda oʻtkazilgan Osiyo va Qatar mezbonligidagi jahon chempionati sovrindori. JCH orqali -64 kg vazn toifasida Rio-2016 Olimpiadasiga yoʻllanma olgan vakilimiz 4 yillikning eng nufuzli musobaqasida oltin medalni qoʻlga kiritdi. Koʻrsatgan mana shunday natijalari uchun “Oʻzbekiston iftixori” faxriy unvoni bilan taqdirlangan. Sportchimiz hozirda professional boksda faoliyat olib bormoqda.
Oʻzbekiston Milliy Olimpiya qoʻmitasi Fazliddin Gʻoibnazarovni bugungi tavallud ayyomi bilan tabriklab, unga uzoq umr, sihat salomatlik tilab qoladi.
